Kontakt - fyrirtækjaráðgjöf

Nýjung hjá Kontakt:

Póstlistar (forgangslistar) fyrir áhugasama kaupendur fyrirtækja og fjárfesta.

Við höfum nú ákveðið að gefa áhugasömum kaupendum og fjárfestum kost á að skrá sig
á póstlista þannig að unnt verði að láta þá vita um áhugaverð tækifæri í framtíðinni. Við köllum
þá reyndar forgangslista, því ætlunin er að láta þessa aðila vita af tækifærum sem við viljum
ekki kynna með öðrum hætti. Um er að ræða tvo aðskilda lista, annan fyrir kaupendur og hinn
fyrir fjárfesta. Nánari upplýsingar má finna hér.

__________________________________________________________________________

Meðalstór heildverslun með góðan fjárhag óskar eftir að kaupa eða sameinast heildverslun með neytendavörur og ársveltu allt að 100 mkr. Gott sölukerfi fyrir hendi með dreifingu í alla stórmarkaði og verslanir um land allt.

__________________________________________________________________________

Kontakt er ekki fyrirtækjasala

Kontakt er stærsta sjálfstæða fyrirtækjaráðgjöf landsins og kemur að eigendaskiptum og
endurskipulagningu tuga fyrirtækja á hverju ári.Við sérhæfum okkur í fyrirtækjaráðgjöf og
veitum bæði seljendum og kaupendum fyrirtækja víðtæka ráðgjöf, sem felst m.a. í leit að
heppilegum fyrirtækjum eða kaupendum, verðmati fyrirtækja, ráðgjöf við samningaviðræður
og gerð kaupsamninga. Á ensku kallast þessi starfsemi "mergers and acquisitions" eða M&A.

Árangur og reynsla

Starfsmenn Kontakts hafa á undanförnum árum veitt ráðgjöf við fyrirtækjasölu og fyrirtækjakaup fyrir tæplega tvö hundruð viðskiptavini. Umsagnir viðskiptavina segja allt sem segja þarf.

Sameiningar fyrirtækja

Markaðsaðstæður eru slæmar um þessar mundir og fara versnandi næstu mánuði. Framlegð fyrirtækja dregst saman. Til að mæta þessum aðstæðum getur lausnin falist í sameiningu fyrirtækja og þeirri samlegð sem hún hefur í för með sér.

Tækifæri í skuldsettum fyrirtækjum

Fjölmörg góð fyrirtæki eru nú alltof skuldsett. Með nýju hlutafé er oft hægt að komast að góðum samningum við núverandi hluthafa og banka og þannig byggja upp góðan grunn til framtíðar þegar aðstæður batna.

Góð ávöxtun

Breytingar fela í sér tækifæri fyrir þá sem gefast ekki upp. Nú eru gjörbreyttir tímar varðandi fyrirtækjakaup og lánsfé dýrt ef það er á annað borð fáanlegt. Við höfum lagað okkur að þessu og fullyrðum enn að oft getur besta ávöxtun fjármagns falist í kaupum á litlum og meðalstórum fyrirtækjum.

Vaxtarfyrirtæki

Það kann að koma á óvart en við vitum af fyrirtækjum sem eru að vaxa verulega í kreppunni og halda góðri framlegð. Þarna gætu verið áhugaverð tækifæri fyrir þá sem trúa á langvinna kreppu.

Tækifæri fyrir duglegt fólk

Sum fyrirtæki eru nú fáanleg með lítilli útborgun ef seljendur og/eða lánardrottnar hafa trú á kaupendunum. Ef þig langar í sjálfstæðan rekstur og ert óhræddur við mikla vinnu gæti verið að finna góð tækifæri fyrir þig!